ملتان: ٻئي ۽ آخري ٽيسٽ ۾ پاڪستان ويسٽ انڊيز جي اسپن ٽريپ ۾ ڦاسي پيو ۽ ويسٽ انڊيز جي پهرين اننگز جي 163 رنسن جي جواب ۾ 154 رنسن تي ڍير ٿي ويو.مهمان ٽيم 9 رنسن جي برتري حاصل ڪئي.ملتان جي انٽرنيشنل ڪرڪيٽ اسٽيڊيم ۾ کيڏيل ميچ ۾ ويسٽ انڊيز کان پوءِ پاڪستاني ٽيم کي به پهرين اننگز جي شروعات ۾ مشڪلاتن جو منهن ڏسڻو پيو.جڏهن ته، 4 شروعاتي وڪيٽون ڪرڻ کان پوءِ، سعود شڪيل ۽ محمد رضوان ڪجهه حد تائين ڊهندڙ بيٽنگ لائن اپ کي ڪنٽرول ڪيو، پاڪستان جي پهرين وڪيٽ 22 جي مجموعي اسڪور تي ڪري پئي جڏهن محمد هريره 9 رنسن تي ڪيمار روچ جو شڪار ٿيو جڏهن ته بابر اعظم صرف هڪ رن تي بولڊ ٿي ويو. قومي ٽيم جي ڪپتان شان مسعود کي به 15 جي انفرادي اسڪور تي ڪيمار روچ بولڊ ڪيو. جڏهن ته ڪامران غلام 16 رنسون ٺاهڻ کان پوءِ به همت وڃائي ويٺو،چار وڪيٽون جلد ڪرڻ کان پوءِ، سعود شڪيل ۽ محمد رضوان ٽيم جي اسڪور کي اڳتي وڌايو، جڏهن ته، سعود شڪيل پڻ 32 رنسون ٺاهيون ۽ 119 جي مجموعي اسڪور تي جوميل ريڪن کي وڪيٽ ڏني. محمد رضوان پڻ 49 رنسون ٺاهيون، ڪاشف علي ۽ نعمان علي صفر تي آئوٽ ٿيو. ساجد خان 16 رنسن تي ناٽ آئوٽ رهيو،ويسٽ انڊيز لاءِ جوميل واريڪ 4 وڪيٽون، گڊڪش موتي ٽي ۽ ڪيمار روچ 2 وڪيٽون ورتيون.
