ڪراچي: سنڌ ۾ مڪاني ادارن جا 10 هزار چونڊيل نمائندا پنهنجي عهدن جو حلف کڻي رهيا آهن، جن ۾ ڪراچي ڊويزن جا 1200 نمائندا به شامل آهن، پي ٽي آءِ جو ڪو به چونڊيل نمائندو حلف کڻڻ لاءِ تقريب ۾ نه پهتو
مڪاني چونڊن ۾ پيپلز پارٽي 99 سيٽن سان گڏ پهرئين، جماعت اسلامي 86 سيٽن سان ٻئين ۽ پي ٽي آءِ 41 سيٽن سان ٽئين نمبر تي آهي، ايم ڪيو ايم مڪاني چونڊن جي بائيڪاٽ جو اعلان ڪيو هو
پيپلز پارٽي اڃا تائين ڪراچي ۽ حيدرآباد جي ميئر جو حتمي فيصلو نه ڪري سگهي آهي
ذريعن موجب ڪراچي جي ميئر لاءِ مرتضيٰ وهاب، نجمي عالم ۽ مسرور احسن جا نالا غور هيٺ آهن، پ پ کي ڪراچي ميئر ۽ ڊپٽي ميئر لاءِ 10 درخواستون موصول ٿي چڪيون آهن
حيدرآباد جي ميئر ۽ ڊپٽي ميئر لاءِ به 8 کان وڌيڪ درخواستون مليل آهن، حتمي اعلان ايندڙ هفتي متوقع آهي
حيدرآباد، سکر، ميرپورخاص ۽ لاڙڪاڻو ڊويزنس ۾ حلف برداري تقريبون جاري آهن، جتي چونڊيل نمائندن کي قسم کڻايو پيو وڃي