مانجھند: مانجهند ويجهو انڊس هاءِ وي تي خوفناڪ حادثي ۾ 13 ڄڻا فوت ٿي ويا آھن ۽ 12 ڄڻا زخمي ٿي پيا، بهاولپور کان ڪراچي ويندڙ مسافر ڪوچ سامهون ايندڙ ٽرالر سان ٽڪرائجي وئي، ٽڪر لڳڻ بعد ڪوچ کي باهه وڪوڙي وئي
حادثي جي نتيجي ۾ ٽن عورتن ۽ ٻن ٻارن سميت 13 ڄڻا فوت ٿي ويا، 11 فوتين جي سڃاڻپ ٿي وئي، فوتين ۾ ٻن ورهين جي خديجه، ثمر عباس، مختيار، محمد اشرف، عتيق الرحمان، اجمل، جاويد، حسنين ۽ ذوالقرنين شامل آھن
فوتي عورتن ۾ خاتون زال شاهنواز ۽ نورين به شامل، ڪجهه زخمين جي حالت ڳڻتيءَ جوڳي، زخمين کي مانجهند جي تعلقي اسپتال ۽ ڄامشورو منتقل ڪيو ويو، پوليس ڪوچ جي ڪلينر کي حراست ۾ وٺي ڇڏيو آھي