ڪيپ ٽائون : اڳوڻي ڏکڻ آفريڪي ڪپتان اي بي ڊيويليئرز هڪ ڀيرو وري ايڪشن ۾ نظر اچڻ جو اشارو ڏئي ڇڏيو.
2021ع ۾ هر طرز جي ڪرڪيٽ کي الوداع چوندڙ ڏکڻ آفريڪي سپر اسٽار جي تازي بيان کانپوءِ مداحن جي بيچيني وڌي وئي آهي.
واضح رهي ته پنهنجي تازي بيان ۾ اي بي ڊيويليئرز جو چوڻ هو ته ” مان هاڻي به ون ڊي ڪرڪيٽ کيڏي سگهان ٿو ۽ منهنجا ٻار ان ڳالهه تي زور ڏيندا آهن ته مون کي ٻيهر ايڪشن ۾ اچڻ گهرجي ۽ محسوس ٿئي ٿو ته نيٽ ٻيهر پريڪٽس شروع ڪيان.“
هن چيو ته ” جيڪڏهن ڪرڪيٽ مان ٻيهر لطف اندوز ٿيس ته آءِ پي ايل يا ڏکڻ آفريڪي ٽيم سان گڏ نظر ايندس.“
