راولپنڊي: خيبرپختونخواهه جي ضلعي ڊيرا اسماعيل خان ۾ سڪيورٽي فورسز جي ڪارروائي دوران 4 دهشتگرد مارجي ويا.پاڪ فوج جي عام لاڳاپن واري کاتي (آءِ ايس پي آر) موجب سڪيورٽي فورسز ڊيرا اسماعيل خان ۾ دهشتگردن جي موجودگي جي اطلاع تي ڳجهي اطلاع تي آپريشن ڪيو. آءِ ايس پي آر جو چوڻ آهي ته آپريشن دوران فائرنگ جي ڏي وٺ ٿي، جنهن جي نتيجي ۾ مصطفيٰ، قسمت الله ۽ اسلام الدين سميت 4 دهشتگرد مارجي ويا.آءِ ايس پي آر موجب مارجي ويل دهشتگردن جي قبضي مان هٿيار ۽ بارودي مواد هٿ ڪيو ويو آهي، دهشتگرد سڪيورٽي فورسز خلاف دهشتگردي ۽ بيگناهه شهرين جي قتل ۾ به ملوث هئا. آءِ ايس پي آر چيو ته علائقي مان وڌيڪ دهشتگردن جي خاتمي لاءِ ڪليئرنس آپريشن جاري آهي، سڪيورٽي فورسز ملڪ مان دهشتگردي جي خاتمي لاءِ پرعزم آهن.
