ڪراچي: پنجاب کان پوءِ سنڌ جا به سمورا تعليمي ادارا 6 کان 9 فيبروري تائين بند رکڻ جو فيصلو ڪيو ويو آهي.
سنڌ جي تعليم کاتي موجب ملڪ ۾ عام چونڊن سبب صوبي ۾ 6 کان 9 فيبروري تائين سمورا نجي ۽ سرڪاري اسڪول، ڪاليج ۽ يونيورسٽيون بند رهنديون.
سنڌ جي تعليم کاتي چيو آهي ته 5 فيبروري تي سنڌ ۾ ڪشمير ڊي جي موڪل جو اعلان اڳ ئي ڪيو ويو آهي.
سنڌ ۾ سرڪاري ۽ نجي تعليمي ادارن ۾ موڪلن جي سمري نگران وڏي وزير مقبول باقر منظور ڪري ورتي آهي. گذريل ڏينهن پنجاب ڪابينه عام چونڊن جي سلسلي ۾ سمورا اسڪول ڪاليج ۽ يونيورسٽيون 6 کان 9 فيبروري تائين بند رکڻ جو فيصلو ڪيو هو.
ياد رهي ته ملڪ ۾ عام چونڊون 8 فيبروري تي شيڊول آهن جنهن جي سلسلي ۾ تيارين جو سلسلو جاري آهي.