ڪراچي : سنڌ ڪابينا سيڊ ڪارپوريشن ۾ مالي بحران ۽ بدانتظامي جي جاچ لاءِ ڪميٽي جوڙي ورتي، ناڻي کاتي جي سيڪريٽري، ثقافت، زراعت ۽ روينيو کاتي جا وزير ڪميٽي ۾شامل، ڪميٽي ايس ايس سي ۾ بدانتظامي ۽ ذميوارن جي نشاندهي ڪرڻ سان گڏ سفارشون پيش ڪندي، سنڌ ڪابينا سيڊ ڪارپوريشن جو ايم ڊي نجي شعبي مان مقرر ڪرڻ جي به هدايت ڪري ڇڏي، چيف سيڪريٽري کي مالي بحران سبب متاثرن بابت بريفنگ ڏيڻ جي هدايت، وڏي وزير مراد علي شاهه چيو آهي ته بريفنگ جي روشني ۾ وڌيڪ قدم کنيا ويندا، ايس ايس سي کي پبلڪ پرائيويٽ پارٽنرشپ تحت هلايو وڃي، اُن سان ريسرچ ڪري بهترين بِج تيار ڪري سگهجي ٿو، وڏي وزير مراد علي شاهه جي صدارت هيٺ سنڌ ڪابينا جي اجلاس ۾ ٽئڪس اوڳاڙي وڌائڻ تي سنڌ روينيو بورڊ جي ساراهه ڪئي وئي.
