ڪرچي(م ڊ) ڪراچي ميٽروپوليٽن ڪارپوريشن (ڪي ايم سي) پاران ڪراچي جي شهرين لاءِ ڊرائيو ان سئنيما جو افتتاح ڪيو ويو آهي، سامونڊي هنڌ، کليل هوا، وڏي اسڪرين فلمون ۽ لذيذ کاڌو، اهي سڀ ڪراچي جا ماڻهو هاڻي بيچ ويو پارڪ ڀرسان سن سيٽ سينما ۾ ماڻي سگهندا
ايڊمنسٽريٽر ڪراچي بئريسٽر مرتضيٰ وهاب سن سيٽ سئنيما جو افتتاح ڪندي چيو ته اوپن ايئر سئنيما ۾ هڪ گاڏي جو ٽڪيٽ 1000 روپيا رکيو ويو آهي، سئنيما ۾ شام ساڍي 6 وڳي کان رات هڪ وڳي تائين ٽي شو هلندا ۽ هال ۾ هڪ ئي وقت ڏيڍ سئو گاڏيون اچي سگهن ٿيون
سن سيٽ سئنيما جي افتتاحي تقريب ۾ شهري پنهنجي فيملي سان گڏ آيا ۽ وڏي اسڪرين ڏسڻ لاءِ مفت ٽڪيٽن جو فائدو ورتو، شهري فلمن سان گڏوگڏ فوڊ ڪورٽ ۾ موجود لذيذ کاڌن جا مزا به ماڻيا ۽ سيلفيون ٺاهيون
واضح رهي ته هن کان اڳ ڊسمبر 2020 ۾ اسلام آباد ۾ پاڪستان جي پهرين ڊرائيو ان سئنيما جو افتتاح گهرو وزير شيخ رشيد ڪيو هو.