60 ڏينهن جي جنگ بندي شروع ٿئي ته پوءِ مستقل خاتمي بابت ڳالهائينداسين: نيتن ياهو
يروشلم : اسرائيلي وزيراعظم نيتن ياهو جو چوڻ آهي ته هو تجويز ڪيل 60 ڏينهن جي جنگ بندي دوران غزه ۾ مستقل جنگ بندي تي ڳالهيون ڪندو، اسرائيلي وزيراعظم نيتن ياهو هڪ بيان ۾ چيو آهي ته جيڪڏهن تجويز ڪيل 60 ڏينهن جي جنگ بندي شروع ٿي وڃي ته مستقل جنگ جي خاتمي لاءِ ڳالهيون شروع ٿي وينديون. انهن جو چوڻ آهي ته حماس جو هٿيار ڦٽا ڪرڻ اسرائيل جي بنيادي شرطن مان هڪ آهي، ۽ غزه ۾ حماس جي حڪمراني ۽ فوجي صلاحيتن جي کوٽ پڻ اسرائيل جي شرطن مان هڪ آهي. اسرائيلي وزيراعظم نيتن ياهو چيو آهي ته جيڪڏهن اهي شرط 60 ڏينهن اندر پورا ڪيا وڃن ته پوءِ تمام سٺو، ٻي صورت ۾ اهي فوجي طاقت سان پورا ڪيا ويندا. پرڏيهي خبرون ڏيندڙ اداري موجب، 60 ڏينهن جي تجويز ڪيل جنگ بندي لاءِ آچر کان قطر ۾ اسرائيل ۽ حماس جي وچ ۾ اڻ سڌي طرح ڳالهيون جاري آهن.