اسلام آباد: اسلام آباد هاءِ ڪورٽ پي ٽي آءِ جي باني عمران خان جي ضمانت واري درخواست تي فيصلو محفوظ ڪري ورتو.اسلام آباد هاءِ ڪورٽ جي چيف جسٽس عامر فاروق ۽ جسٽس طارق محمود جهانگيري 190 ملين پائونڊ ريفرنس ۾ پي ٽي آءِ باني عمران خان جي ضمانت واري درخواست تي ٻڌڻي ڪئي.نيب جي اسپيشل پراسيڪيوٽر امجد پرويز دليل ڏيندي چيو ته رقم حڪومت پاڪستان وٽ اچڻ گهرجي ها، جنهن تي جسٽس عامر فاروق پڇاڻو ڪيو ته ڇا توهان چئي رهيا آهيو ته رقم ڏوهن مان حاصل ڪيل رقم هئي؟جسٽس طارق جهانگيري چيو ته توهان وٽ ان جا ڪي به دستاويز ناهن، سڀ زباني بيان آهن، مون پڇيو ته توهان وٽ فريز يا ڊي فريز ڪرڻ جو حڪم آهي، توهان چيو ته توهان وٽ انهن مان ڪو به دستاويز ناهي. جسٽس طارق محمود جهانگيري چيو ته توهان صرف اها ڳالهه ڪريو ته توهان وٽ ڪهڙا ثبوت آهن جڏهن ته چيف جسٽس عامر فاروق سوال ڪيو ته سوال بلڪل سادو آهي، سمجهه ۾ نٿو اچي ته توهان پنهنجي دستاويزن ۾ ان سوال جو جواب ڇو نه ڏنو آهي.نيب پراسيڪيوٽر امجد پرويز چيو ته سپريم ڪورٽ حڪم نامي ۾ لکيو آهي ته اها رقم رياست جي آهي، سپريم ڪورٽ قرار ڏنو آهي ته رقم سپريم ڪورٽ جي اڪائونٽ ۾ غلط طور تي موڪلي وئي نيشنل ڪرائم ايجنسي جي اجازت کان بغير منتقل نه ٿي ڪري سگھجي.جسٽس طارق جهانگيري پڇاڻو ڪيو ته ڊي جي نوٽ کان اڳ منتقل ڪيل رقم بابت وزيراعظم کي ڇا چيو ويندو؟ جنهن تي نيب پراسيڪيوٽر امجد پرويز چيو ته اها رقم رازداري ختم ٿيڻ کانپوءِ منتقل ڪئي وئي، باني پي ٽي آءِ ايسٽ ريڪوري يونٽ جو سربراهه هو.جسٽس جهانگيري چيو ته رقم رازداري ڊيڊ ۾ ناهي لکي سپريم ڪورٽ جي اڪائونٽ ۾ جمع ڪرائي ويندي، جنهن تي امجد پرويز چيو ته مون هن رازداري ڊيڊ کي عدالت جي ڌيان ۾ آڻڻ بعد ٻيهر پڙهيو آهي هڪ وڏو فراڊ هو، ريڪوري يونٽ سڌو سنئون وزيراعظم جي ماتحت هو.اسلام آباد هاءِ ڪورٽ ڌرين جا دليل ٻڌڻ بعد عمران خان جي ضمانت واري درخواست تي فيصلو محفوظ ڪري ورتو.
