پاڪستان ۾ اڄ پهريون روزو،رمضان ايندي ئي منافعي خور بي لغام

ڪراچي: اڄ ڪراچي سميت سڄي ملڪ ۾ رمضان المبارڪ جو پهريون ڏينهن ۽ پهريون روزو آهي .هر سال وانگر هن سال به رمضان المبارڪ ايندي ئي مهانگائيءَ جي طوفان عوام جون رڙيون ڪڍي ڇڏيون، سبزين ۽ ميون سميت هر شئي جا اگهه چوٽ چڙهي ويا.

ملڪ ۾ رمضان المبارڪ جو چنڊ نظر ايندي ئي مهانگائي جو جن بي قابو ٿي ويو، منافعي خور بي لغام ٿي ويا، جنهن سبب عوام پريشانين ۾ مبتلا ٿي ويو آهي.

سبزين ۽ ميون جا اگهه آسمان سان ڳالهيون ڪرڻ لڳا آهن، جڏهن گوشت به عام ماڻهو جي وس کان ٻاهر ٿي ويو آهي.

ڪراچي سميت ملڪ جي مختلف شهرن ۾ بصر 200 رپيا في ڪلو تائين پهچي ويو، ادرڪ 500 ۽ ٿوم 650 رپيا في ڪلو وڪرو ٿيڻ لڳي، ساوا مرچ 350 رپيا ڪلو ٿي ويا ۽ ڀينڊين به ٽرپل سينچري مڪمل ڪري ورتي.

پٽاٽا 80 رپيا ڪلو، بيضا في درجن 240 رپيا، ڪيلا في درجن 260 رپيا، جڏهن ته صوف 300 کان مٿي ڪلو ٿي ويا.

جواب شامل کریں

آپ کا ای میل ایڈریس شائع نہیں کیا جائے گا۔