ڪوهاٽ:هنگو ۾ مول ڪمپني پلانٽ تي دهشتگردن جي حملي سبب فرنٽيئر ڪانسٽيبلري جا چار اهلڪار ۽ 2 نجي سيڪيورٽي گارڊ شهيد ٿي ويا.
رپورٽ موجب ڊي ايس پي ٺل عرفان ٻڌايو ته تعلقي ٺل جي علائقي منجي خيل ۾ مول گيس ڪمپني پلانٽ تي صبح 3 کان 4 وڳي وقت دهشتگردن حملو ڪري ڏنو جنهن جي نتيجي ۾ 6 اهلڪار شهيد ٿي ويا جن ۾ 4 ايف سي ۽ 2 اهلڪار نجي سيڪيورٽي ڪمپني جا آهن.
ڊي ايس پي عرفان ٻڌايو ته 6 شهيد اهلڪارن 2 ڪلاڪ کان وڌيڪ دهشتگردن سان دليري سان مقابلو ڪيو. پوليس ۽ فرنٽيئر ڪور جي دستن علائقي ۾ پهچي سرچ آپريشن شروع ڪري ڇڏيو آهي.
شهيد سيڪيورٽي اهلڪارن جا لاش اسپتال منتقل ڪيا ويا آهن جتي پوسٽ مارٽم کان پوءِ سندن مڙهه اباڻي علائقن ڏانهن مڙهيا ويندا.