ڪراچي: وزيراعظم شهباز شريف جي حڪومت ۾ به ڊالر جو اگه گهٽجي نه سگهيو، اڳوڻي وزيراعظم عمران خان جي خلاف بي اعتمادي رٿ آڻڻ کانپوءِ هر روز وڌندڙ مهانگائي سان گڏوگڏ اڄ پاڪستان ۾ آمريڪي ڊالر تاريخ جي بلند ترين سطح تي پهچي ويو آهي
ڪالهه انٽر بئنڪ ۾ 188.66 رپين تي بند ٿيو پر اڄ واپار جي شروعات کان وٺي ڊالر جي قدر ۾ واڌ جو سلسلو جاري آهي
انٽر بئنڪ ۾ ڊالر 50 پئسا مهانگو ٿي ڪري 190.16 پئسا ٿي ويو آهي، جڏهن ته اوپن مارڪيٽ ۾ ڊالر 191.50 پئسا کان وڌي ويو آهي
ٻئي طرف پاڪستان اسٽاڪ ايڪسچينج ۾ به منفي رجحان جاري آهي ۽ 100 انڊيڪس 600 پوائنٽس کان وڌيڪ گهٽتائي سان 42901 تي ٽريڊنگ ڪري رهيو آهي