مسلم ليگ ن پنجاب جي صدر راڻا ثناءُ الله چيو آهي ته جن ماڻهن نا لائق ٽولي کي ملڪ تي مسلط ڪرڻ مدد ڪئي هاڻي هو انهن کي هٽائڻ ۾ عوام جي مدد ڪن
لاهور ۾ ميڊيا سان ڳالهائيندي راڻا ثناءُ الله چيو ته ڪالهه بجلي جي قيمت ۾ 5 رپيا في يونٽ واڌ ڪئي وئي، ڊالر جي قيمت 200 تائين پهچي وئي ته ملڪي معيشت جو ڇا ٿيندو؟ غريب ۽ پگهار وارا ڪيئن گذارو ڪندا
هن چيو ته هي نااهل ٽولو ملڪ کي تباهي طرف وٺي وڃي رهيو آهي، عوام ٻاهر نڪري اچي، هن نااهل ۽ نالائق ٽولي کي نه هٽايو ويو ته ملڪ کي سخت نقصان پهچي سگهي ٿو
پنجاب ۾ پ پ جي مقبوليت بابت پڇيل سوال تي ليگي اڳواڻ چيو ته سياسي پارٽين ۾ صحتمند مقابلو ٿيڻ گهرجي، پ پ جي پنجاب ۾ منظم ٿيڻ سان اسان کي ڪو به خطرو نه آهي
راڻا ثناءُ الله چيو ته عوام کي اپوزيشن جو آواز ٻڌڻ گهرجي ۽ حڪومت خلاف بيهڻ گهرجي، آصف زرداري سينيئر سياستدان آهي، کيس بهتر لفظن جي چونڊ ڪرڻ گهرجي ها