گوگل هڪ اهڙي جڳهه آهي جتي روز هر وقت هزارين ماڻهو ڪجهه نه ڪجهه ڳوليندا رهندا آهن.
گوگل تي ڪجهه به ڳولڻ ۽ نين شين جي باري ۾ گهر ويٺي ڄاڻ حاصل ڪرڻ تمام سولو ڪم آهي پر گوگل نه هجي ته زندگي به ايتري آسان نه هوندي جيتري گوگل جي مدد سان هن وقت آهي.
حقيقت ۾انٽرنيٽ واهپيدارن جو گوگل کانسواءِ گذارو ممڪن ئي ناهي.
هڪ اندازي موجب هر سيڪنڊ ۾ 63 هزار، هڪ منٽ ۾ 28 لک، هر ڪلاڪ ۾ 22 ڪروڙ 80 لک ۽ هر ڏينهن 5 ارب 60 ڪروڙ کان مٿي ڀيرا ۽ سال ۾ 2 هزار ارب کان وڌيڪ ڀيرا گوگل تي ڪجهه نه ڪجهه ڳولڻ لاءِ سرچ ڪيو ويندو آهي جن مان 16 کان 20 سيڪڙو ڳولڻ واريون ڪوششون اهي هونديون آهن جن کي پهريون ڪڏهن به ڳوليو ناهي ويندو.
اها ته هڪ عام ڳالهه آهي ته سڄي دنيا ۾ ماڻهو گوگل تي ڇا سرچ ڪندا آهن ۽ ڪنهن کي فالو ڪندا آهن پر ڇا توهان کي خبر آهي ته پاڪستان ۾ گوگل سرچ انجڻ تي سڀ کان وڌيڪ ڇا ڳوليو ويندو آهي؟
جيڪڏهن ان جو جواب نه آهي ته اڄ اسان توهان کي ٻڌائينداسين ته سڄي ملڪ ۾ سمورا گوگل واهپيدار سرچ انجڻ تي سڀ کان وڌيڪ ڇا ڳوليندا آهن.
ان حوالي سان گوگل جي آٽو سجيسٽ انجڻ ذريعي هڪ ڳالهه سامهون آئي آهي جنهن مان اها خبر پئي آهي ته پاڪستان جا شهري ٻين ملڪن جي شهرن جي ڀيٽ ۾ سڀ کان وڌيڪ ڊراما سرچ ڪندا آهن.
ان کانسواءِ ڀارت جا شهري گوگل تي سڀ کان وڌيڪ فلمون ۽ ٻين خوراڪن کي ڳوليندا آهن جيڪو ٻين ملڪن جي ڀيٽ ۾ سڀ کان وڌيڪ آهي.
واضح رهي ته آمريڪا ۾ يونيورسٽين کي سڀ کان وڌيڪ گوگل ذريعي سرچ ڪيو ويندو آهي جڏهن ته افغانستان ۾ جنگي فلمون سڀ کان وڌيڪ ڳوليون يا پسند ڪيون وينديون آهن.
