ميرپور: پ پ چيئرمين بلاول ڀٽو طرفان آزاد ڪشمير جي چونڊن لاءِ مهم جو آغاز، ڍڍيان جي علائقي ۾ ريلي کي خطاب دوران بلاول ڀٽو زرداري چيو آهي ته والاريل ڪشمير ۾ ڪشميري ڀائر مودي جو مقابلو ڪري رهيا آهن، آزاد ڪشمير ۾ اسان جا ڀائر عمران خان جي مهانگائي جو مقابلو ڪن ٿا، آزاد ڪشمير جو عوام پيپلز پارٽي کي اقتدار ۾ آڻي، جيڪا مودي کي اکين ۾ اکيون وجهي جواب ڏئي سگهي ۽ پي ٽي آءِ ايم ايف معيشت مان جان ڇڏائي سگهي، اسان ڪشميري ڀائرن کي لاوارث نٿا ڏسي سگهون، شهيد ذوالفقار ڀٽو جو منشور ۽ شهيد بينظير ڀٽو جو جهنڊو کڻي گهر گهر وينداسين..
