لاهور:مسلم ليگ(ن) جي ايم اين اي جاويد لطيف جي خلاف ڪيس داخل ڪرڻ لاءِ درخواست داخل ڪئي وئي آهي.
رپورٽ موجب ليگي اڳواڻ ۽ ايم اين اي جاويد لطيف جي خلاف ڪيس داخل ڪرڻ لاءِ درخواست داخل ڪئي وئي آهي. درخواست شهري چوڌري محمد اڪرم طرفان سي سي پي او لاهور سميت پاڪستان سيٽزن پوورٽل تي به ڏني وئي آهي.
درخواست ۾ موقف پيش ڪيو ويو آهي ته جاويد لطيف نجي ٽي وي تي ڌمڪي ڏني هئي ته جيڪڏهن مريم نواز کي ڪجهه ٿيو ته هو پاڪستان کپي جو نعرو نه لڳائيندا ان جو بيان پاڪستان جي رياست سان بغاوت جي برابر آهي. جنهن سان عوام جا جذبا مجروح ۽ عوام مڇريل آهي.
درخواست جي متن ۾ آهي ته ليگي اڳواڻ پاڪستان کپي جو نعرو نه لڳائڻ جا جيڪي عذر پيش ڪيا آهن اهي بدترين گناهه ۽ گناهه جي زمري ۾ اچن ٿا. ان جي خلاف رياست جي خلاف بغاوت ۽ پنهنجي حلف جي ڀڃڪڙي جي سنگين ڏوهن جي قانوني ڪارروائي ڪئي وڃي ۽ ان جي خلاف قانون جي سمورن قلمن جي تحت ايف آءِ آر داخل ڪئي وڃي ۽ کيس فوري طور تي گرفتار ڪيو وڃي.