ڪاڇي ۾ ٻوڏ وڏي تباهي مچائي ڇڏي ، 8 يوسيز جا 150 کان وڌيڪ ڳوٺ ٻڏي ويا، ڪيترائي ڪٽنب ڦاٿل

ڪراچي: ڪاڇي ۾ ٻوڏ وڏي تباهي مچائي ڇڏي ، نئن گاج جَي تيز وهڪرن ۾ 8 يوسيز جا ڏيڍ سئو کان وڌيڪ ڳوٺ ٻڏي ويا. ڏورانهَن علائقن ۾ ڪيترائي ڪٽنب ڦاٿل آهن. ڦاٿل ماڻهو ٻئي ڏينهن به ريسڪيو ۽ رليف آپريشن لاءِ دانهيندا رهيا. تيز وهڪرن ۾ سوين گهر ڊهي پٽ ٿيڻ سبب کاڌي پيتي جون شيون ۽ ٻيو گهريلو سامان به لڙهي ويو. پاڪ فوج ۽ نيوي جون ٽيمون ڪاڇي جَي مختلف علائقن اندر آپريشن ۾ رُڌل آهن. ٻيڙين ذريعي متاثرن کي محفوظ هنڌ منتقل ڪرڻ جو سلسلو جاري آهي. ڪمشنر حيدرآباد پاران ڪاڇي ۾ اڃا به ڪيترن ئي ماڻهن جَي ڦاٿل هجڻ جِي تصديق ڪئي آهي. ٽائيم نيوز سان ڳالهائيندي محمد عباس بلوچ ڪندي چيو ته مٿانهن علائقن ۾ ڦاٿل ماڻهن کي ڪڍڻ لاءِ هيليڪاپٽر استعمال ڪيو پيو وڃي. ٻيڙين جو انگ به وڌايو ويو آهي، وقفي وقفي سان پوندڙ برسات سبب ڏکيايون پيش اچن ٿيون.

جواب شامل کریں

آپ کا ای میل ایڈریس شائع نہیں کیا جائے گا۔