راولپنڊي: فلم ۽ ٽي وي جو ناليوارو اداڪار سجاد ڪشور لاڏاڻو ڪري ويو . سندس لاڏاڻو راولپنڊي ۾ ٿيو .
ان ڏس ۾ مرحوم اداڪار جي خانداني ذريعن ٻڌايو ته هو ڊگهي عرصي کان بيمار هو .مرحوم اداڪار جي جنازي نماز شاه دي ٽاليان قبرستان ۾ ادا ڪئي وئي .
مرحوم سجاد ڪشور جو ڳاڻيٽو فلم ۽ ٽي وي جي ناليوارن اداڪارن ۾ ٿئي ٿو . هن پنهنجي 60 ورهين جي ڊگهي ڪيرئير ۾ ڪيترن ئي فلمن ۽ ڊرامن ۾ پنهنجي اداڪاري جا جوهر ڏيکاريا .
حڪومت پاران سجاد ڪشور کي سندس خدمتن جي عيوض تمغه امتياز سان به نوازيو ويو هو .