نئين دهلي: ڀارت ۽ چين جي وچ ۾ تڪرار لداخ ۾ لائن آف ايڪچوئل ڪنٽرول (ايل اي سي) تي تڪرار شايد ايندڙ ڏينهن ۾ وڌي سگهي ٿو ڇاڪاڻ ته چين پينانگ سانو ڍنڍ جي فنگر 4 واري علائقي مان فوج واپس گهرائڻ کان انڪار ڪري ڇڏيو آهي.
هندستاني ميڊيا موجب ، هندستاني فوج چيني فوج (پيپلز لبريشن آرمي) طرفان امڪاني خطري کي منهن ڏيڻ لاءِ هاءِ الرٽ تي آهي ، جڏهن ته اوڀر لداخ ۾ ٽينڪن جو تعداد وڌايو ويو آهي.
ذريعن موجب ، اتر ڪمانڊ جو چيف ليفٽيننٽ جنرل يو ڪي جوشي دهلي پهتو آهي ۽ جلد ئي وزيراعظم مودي ۽ ٻين اعليٰ عملدارن کي لائن آف ايڪچوئل ڪنٽرول سان گڏ صورتحال تي بريفنگ ڏيندو.
