اسلام آباد: سينيٽ تازي ڀارتي جارحيت خلاف متفقه طور تي قرارداد منظور ڪري ورتي.سينيٽ چيئرمين يوسف رضا گيلاني جي صدارت هيٺ سينيٽ جو اجلاس ٿيو، جنهن ۾ نائب وزيراعظم ۽ پرڏيهي وزير اسحاق ڊار تازي ڀارتي جارحيت خلاف قرارداد پيش ڪئي، جنهن کي ايوان بالا متفقه طور تي منظور ڪيو.قرارداد جي متن ۾ چيو ويو آهي ته اهو پاڪستان کي پهلگام واقعي سان ڳنڍڻ جي الزامن کي رد ڪري ٿو.هندستاني حڪومت هڪ بدنيتي واري مهم هلائي رهي آهي. پاڪستان سميت ٻين ملڪن ۾ دهشتگردي جو ذميوار ڀارت کي قرار ڏنو وڃي. پاڪستان ڪشمير جي حمايت جاري رکندو.ان حوالي سان نائب وزيراعظم اسحاق ڊار چيو ته سنڌو پاڻي معاهدي کي هڪ طرفي طور تي معطل نٿو ڪري سگهجي. معاهدي ۾ چيو ويو آهي ته جيڪڏهن ان کي ختم ڪرڻو آهي ته اهو اتفاق راءِ سان ڪيو ويندو.پاڻي 24 ڪروڙ پاڪستانين جي زندگي آهي، قومي سلامتي ڪميٽي چيو آهي ته پاڻي بند ڪرڻ جنگ جي برابر هوندو.ايوان ۾ ڳالهائيندي سينيٽ ۾ مخالف ڌر جي اڳواڻ شبلي فراز چيو ته قرارداد ايوان جي دشمنن کي هڪ گڏيل پيغام ڏنو آهي.هندستان انتظار ۾ آهي ته پاڪستان کي ڪيئن نقصان پهچائي. پاڪستان کي بدنام ڪرڻ جي هندستان جي خواهش پوري نه ٿي آهي. هندستان هر عالمي فورم تي اسان جي مخالفت ڪئي آهي.
