اسلام آباد : پاڪستان جي اڳوڻي اسٽار فاسٽ بالر شعيب اختر آءِ سي ٽي ٽوئنٽي ورلڊ ڪپ ۾ آمريڪا هٿان پاڪستان جي شڪست تي مايوسي جو اظهار ڪيو آهي.شعيب اختر پنهنجي سوشل ميڊيا اڪائونٽس تي هڪ وڊيو پيغام جاري ڪيو جنهن ۾ هن چيو ته جيڪڏهن هي ميچ ڏٺو وڃي ته پاڪستان ان کي کٽڻ جو حقدار نه هو.اڳوڻي ڪرڪيٽر چيو ته آمريڪي ٽيم هن ميچ ۾ شاندار پرفارم ڪيو، اسان جي ٽيم ۾ شاهين ۽ عامر به ميچ بچائڻ جي ڪوشش ڪئي پر ناڪام رهيا.هن چيو ته آمريڪي ٽيم هن ميچ ۾ شروع کان ئي حاوي هئي، اها پاڪستان لاءِ مايوس ڪندڙ شڪست هئي ۽ اها ايونٽ جي شروعات سٺي ناهي.
