تهران : ايران دمشق ۾ ايراني قونصل خاني تي حملي جي جواب ۾ اسرائيل تي 200 ڊرونز ۽ ميزائل فائر ڪيا.پرڏيهي ميڊيا موجب ايران اسرائيل تي سڌي طرح ڊرون حملا ڪيا، جنهن جي ايراني پاسداران انقلاب طرفان به تصديق ڪئي وئي، جڏهن ته اسرائيل ڪيترن ئي ايراني ڊرونز کي ڪيرائڻ جي به دعويٰ ڪئي آهي.ايراني ميڊيا جي رپورٽن موجب ايران اسرائيلي دفاعي سهولتن کي نشانو بڻايو، گولان هائٽس ۽ شام جي ويجهو اسرائيلي فوجي اڏن کي به نشانو بڻايو ويو.ايراني ميڊيا دعويٰ ڪئي آهي ته تهران اسرائيل ۾ 50 سيڪڙو هدفن کي نشانو بڻائڻ ۾ ڪامياب ٿي ويو، خيبر ميزائل سان اسرائيلي ايئر بيس کي نشانو بڻايو ويو.ٻئي طرف اسرائيلي فوج تصديق ڪئي آهي ته 200 ايراني ڊرون اسرائيلي حدن تائين پهچي ويا آهن ۽ ڪجهه درجن ايراني زمين کان زمين تائين مار ڪندڙ ميزائل اسرائيل کي نشانو بڻايو آهي.اسرائيلي فوج جي ترجمان پڻ تصديق ڪئي ته ايراني ڊرون ڏکڻ اسرائيل ۾ هڪ فوجي اڏي کي نقصان پهچايو ۽ اسرائيل تي ايراني ميزائل حملي ۾ هڪ ڇوڪري زخمي ٿي.اسرائيل اڳ ۾ چيو هو ته درجنين يو اي وي ايران ڇڏي ويا آهن ۽ اسرائيل ڏانهن پنهنجو رستو ٺاهي رهيا آهن.اسرائيلي فوج جي ترجمان موجب ايران پنهنجي سرزمين تان بي پائلٽ جهازن کي اسرائيل جي سرزمين تائين پهچڻ کان روڪيو.ٻئي طرف يمن جي حوثي باغين، لبنان جي حزب الله ۽ فلسطين جي مزاحمتي تنظيم حماس طرفان اسرائيل تي حملن جا اطلاع آهن.
