اسلام آباد: عالمي مارڪيٽ ۾ ٻارڻ جي تيل جي قيمتن ۾ واضح گهٽتائي سبب ملڪ ۾ پيٽروليم شين جي قيمتن ۾ اڄ وڏي لاٿ جو امڪان ظاهر ڪيو ويو آهي.
عالمي مارڪيٽ ۾ اڄ ٻارڻ واري تيل جي قيمتن ۾ پنج سيڪڙو تائين گهٽتائي رڪارڊ ڪئي وئي، اوگرا عالمي مارڪيٽ جي حوالي سان نيون قيمتون اڄ مقرر ڪندو.
ياد رهي ته گذريل هڪ هفتي جي دوران پيٽروليم شين جي قيمتن ۾ رڪارڊ 60 روپين تائين اضافو ٿيو جنهن ۾ پيٽرول 24 ۽ ڊيزل 60 روپين کان وڌيڪ مهانگو ڪيو ويو.
حڪومت طرفان قيمتن ۾ اضافي جو سبب عالمي مارڪيٽ ۾ ٻارڻ جي تيل جون وڌندڙ قيمتون ۽ درآمدي لاڳت ۾ اضافي کي قرار ڏنو ويو هو.
آئل مارڪيٽنگ ڪمپنين پيٽروليم شين جي قيمتن ۾ روزاني جي بنياد تي هيٺ مٿانهين جي نظام تي ڳڻتي جو اظهار ڪندي موقف اختيار ڪيو آهي ته انهي سان ڪاروباري منصوبه بندي، اسٽاڪ مينجمينٽ ۽ سپلائي چين متاثر ٿي سگهي ٿي، انهي لاءِ قيمتون طئي ڪرڻ جي طريقيڪار تي سمورن اسٽيڪ هولڊرز سان مشاورت جي ضرورت آهي.
تبصرے بند ہیں۔