اسلام آباد: اليڪشن ڪميشن عوامي نيشنل پارٽي کي لالٽين جو نشان ڏئي ڇڏيو آهي،اليڪشن ڪميشن عوامي نيشنل پارٽي (اي اين پي) جي انٽرا پارٽي چونڊن بابت محفوظ فيصلو ٻڌائي ڇڏيو آهي، جنهن ۾ اليڪشن ڪميشن اي اين پي کي پنهنجو پراڻو چونڊ نشان لالٽين الاٽ ڪري ڇڏيو آهي،عوامي نيشنل پارٽي انٽرا پارٽي چونڊن لاءِ 6 مهينن جي مهلت گهري هئي،جنهن تي اليڪشن ڪميشن چيو آهي ته اي اين پي جو 5 سالن جو مدو اڃا پورو ناهي ٿيو، ملڪ ۾ چونڊ مهم جاري آهي ۽ سياسي پارٽيون ان ۾ حصو وٺي رهيون آهن، ان ڪري اي اين پي 10 مئي تائين انٽرا پارٽي چونڊون ڪرائي،اليڪشن ڪميشن عوامي نيشنل پارٽي تي 20 هزار رپيا ڏنڊ به لڳايو.
