بجلي جي اگهن ۾ واڌ کانپوءِ گئس جي اگهن ۾ واڌ تي ڪم جاري آهي
ذريعن موجب توانائي واري وزارت آئل اينڊ گيس ريگيوليٽري اٿارٽي (اوگرا) کي آگاهي ڏني آهي ته گئس جي قيمتن تي ڪم جاري آهي
توانائي واري وزارت جي ذريعن جو چوڻ آهي ته گئس جي اگهن ۾ واڌ هر صورت ۾ ٿيندي ڇو ته ان حوالي سان عالمي مالياتي فنڊ (آءِ ايم ايف) کي خط لکي ڇڏيو آهي
جائزو ورتو پيو وڃي ته گئس جي ڪهڙي سليب کي صارفين لاءِ وڌيڪ مهانگو ڪيو وڃي
ذريعن موجب 300 ڪيوبڪ ميٽر ۽ ان کان وڌيڪ في مهيني جي گهريلو صارفين لاءِ گئس اڳ ۾ ئي مهانگي آهي، ڪوشش ڪئي پئي وڃي ته آخري ٽن مهانگي گيس جي سليب کي هٿ نه اچي
توانائي واري وزارت جي ذريعن موجب هن وقت 300 ڪيوبڪ ميٽر في مهيني تائين گئس جي استعمال لاءِ في ايم ايم بي ٽي قيمت 1100 رپيا آهي. 400 ڪعبي ميٽر في مهيني تائين، في ايم ايم بي ٽي يو جي قيمت 2000 روپيا آهي، 400 ڪعبي ميٽرن کان مٿي ماهوار استعمال لاءِ، قيمت في ايم ايم بي ٽي يو 3100 روپيا آهي. ٻين سمورن سليبس ۽ شعبن لاءِ گئس جي قيمتن ۾ ترميم ڪئي ويندي، ڪوششون ڪيون پيون وڃن ته جيئن باقي گهريلو صارفين تي بار گهٽجي
توانائي واري وزارت جي ذريعن جو چوڻ آهي ته گئس جي اگهن ۾ واڌ بابت تفصيل ايندڙ هفتي اقتصادي رابطا ڪميٽي (اي سي سي) ۾ جمع ڪرائڻ جو امڪان آهي