گم ٿي ويلن جي بازيابي جو ڪيس: پوليس رپورٽون رد، وفاقي ۽ صوبائي حڪومت کان جواب طلب
ڪراچي: سنڌ هاءِ ڪورٽ گم ٿي ويلن جي بازيابي بابت درخواستن جي ٻڌڻي دوران پوليس رپورٽون رد ڪندي وفاقي ۽ صوبائي حڪومتن کان جواب طلب ڪري ورتو.
12 گم ٿي ويلن جي بازيابي بابت درخواستن جي ٻڌڻي سنڌ هاءِ ڪورٽ ۾ ٿي. عدالت پوليس رپورٽن تي ڪاوڙ جو اظهار ڪندي ان کي رد ڪري ڇڏيو.
ٻڌڻي دوران جسٽس نعمت الله چيو ته پوليس گم ٿي ويلن جي بازيابي ۾ سنجيده نظر نه پئي اچي. روايتي رپورٽون سنڌ هاءِ ڪورٽ ۾ پيش ڪيون پيون وڃن.
عدالت صوبائي ۽ وفاقي حڪومتن کان جواب طلب ڪري ورتو. گهرو سيڪريٽري کان حراستي مرڪز جي رپورٽ طلب ڪندي چيف سيڪريٽري ۽ گهرو سيڪريٽري کي نوٽيس جاري ڪيا ويا.
عدالت ايڊيشنل اٽارني جنرل ۽ ايڊووڪيٽ جنرل سنڌ کي به نوٽيس جاري ڪري ڇڏيا. عدالت قانون لاڳو ڪندڙ ادارن کي گم ٿي ويلن جي بازيابي يقيني بنائڻ جو حڪم ڏئي ڇڏيو.