اسلام آباد: پنجاب ۾ چونڊن لاءِ 21 ارب روپين جا فنڊ جاري ڪرڻ جو معاملو قومي اسيمبلي جي ناڻي بابت قائمه ڪميٽي جي اجلاس کان اڳ معاشي ٽيم تياريون شروع ڪري ڇڏيون.
چيئرمين قيصر احمد شيخ جي صدارت هيٺ مشاورتي اجلاس جاري آهي. جنهن ۾ اليڪشن ڪميشن کي 21 ارب روپيه ڏيڻ جو معاملو قومي اسيمبلي ڏانهن اماڻڻ جو فيصلو ڪيو ويو آهي.
مشاورتي اجلاس ۾ قانون وارو وزير اعظم نذير تارڙ ۽ واپار بابت وزير نويد قمر به شريڪ آهي. چيئرمين قيصر احمد شيخ چيو ته ناڻي وارو وزير اسحاق ڊار اجلاس ۾ نه آيو آهي. هڪ سال کان ڪنهن به ناڻي واري وزير ڪميٽي جي اجلاس ۾ شرڪت ناهي ڪئي. خاص معاون طارق باجوه چيو ته ناڻي وارو وزير اسحاق ڊار عمري تي ويل آهي.
اجلاس دوران قانون بابت وزير اعظم نذير تارڙ چيو ته وفاقي حڪومت فيڊرل ڪنساليڊينڊ فنڊ جي هڪ هڪ پئسي جو حساب رکي ٿي، ناڻي واري وزارت چئي چڪي آهي ته چونڊن لاءِ بجيٽ ۾ واڌو فنڊ ناهن رکيا ويا. چونڊن تي ٻه ٻه ڀيرا خرچ ڪرڻ ملڪي مفاد ۾ نه آهي. ڪميٽي ميمبر هرجيس طاهر قانون واري وزير اعظم نذير تارڙ کي بريفنگ کان روڪي ڇڏيو.
قومي اسيمبلي جي قائمه ڪميٽي اجلاس ۾ اسٽيٽ بينڪ کي سپريم ڪورٽ جي حڪمن جو جائزو ورتو ويندو. اسٽيٽ بينڪ جي گورنر، آڊيٽر جنرل آف پاڪستان اجلاس ۾ مدعو آهن. اجلاس ۾ اسيمبلي جي اڳواٽ منظوري کان سواءِ فنڊز جاري ڪرڻ جي هدايتن تي سفارشون جوڙيون وينديون.
قومي اسيمبلي جي ناڻي بابت قائمه ڪميٽي جو اجلاس جاري آهي. واپار واري واري ناڻي بابت قائمه ڪميٽي جي اجلاس ۾ جذباتي خطاب دوران چيو ته مان قانون واري وزير ۽ اٽارني جنرل کان اتفاق نٿو ڪريان، اسان کي اهو معاملو ٻيهر واپس قومي اسيمبلي ڏانهن نه اماڻڻ گهرجي. اسان عدالت جي حڪمن تي اهو ڪم نه ٿيڻ ڏينداسين. جيڪڏهن اسان کي جيل اماڻي سگهجي ٿو ته اسان به کين جيل اماڻي سگهون ٿا. ڪميٽي جي چيئرمين چيو ته اهوئي اتفاق ٿيو آهي ته معاملو ناڻي واري وزارت ذريعي اسيمبلي کڻي وڃون.