راولپنڊي: آرمي چيف جنرل عاصم منير جي هدايت تي پاڪ فوج جا 2 دستا ترڪيه روانا ٿي ويا.
آءِ ايس پي آر موجب ترڪيه روانو ٿيندڙ پاڪ فوج جي ٻن دستن ۾ آرمي ڊاڪٽرز، نرسنگ اسٽاف ۽ ٽيڪنيشنز شامل آهن.
آءِ ايس پي آر موجب دستا پاڪستاني سفارتخاني سان ويجها رابطا رکڻ جو ڪم جاري رکندا ۽ ريليف جو ڪم مڪمل ٿيڻ تائين اتي موجود رهندا.
آءِ ايس پي چيو آهي ته امدادي دستا 6 فيبروري جي رات پاڪ فضائيه جي خصوصي جهاز ذريعي روانا ٿيا. امدادي سامان ۾ خيما، ڪمبل ۽ ٻيو امدادي سامان به شامل آهي.
آءِ ايس پي آر طرفان ٻڌايو ويو آهي ته پاڪ فوج جي ميڊيڪل ٽيم 30 بسترن جو موبائل اسپتال قائم ڪندي.
