حيدرآباد: بلال ڪاڪا قتل ڪيس ۾ اڳڀرائي ٿي آھي، ايس پي هيڊ ڪوارٽر پاران جاچ رپورٽ ايس ايس پي حوالي ڪئي وئي آھي، بلال ڪاڪا قتل ڪيس ۾ لاپرواهي الزام هيٺ ٻن ٿاڻن جا 6 اهلڪار نوڪرين تان برطرف ڪيا ويا
جاچ رپورٽ موجب ايس ايس پي جاچ ڪميٽي جي سفارش تي ڀٽائي نگر ۽ نسيم نگر جي 6 اهلڪارن کي برطرف ڪيو ويو
جاچ ڪميٽي موجب برطرف ڪيلن ۾ سپاهي عمران شاهه، اشوڪ ڪمار، مشتاق احمد، اسرار، امتياز ۽ محمود شامل آھن، واقعي واري رات نسيم نگر ۽ ڀٽائي نگر ٿاڻن جون 2 پوليس موبائل بيٺل هيون
رپورٽ موجب ٻنهي گاڏين ۾ اهلڪار موجود هئا، پر جهيڙي دوران ڇڏائڻ جي ڪا به ڪوشش نه ڪئي، ايس ايس پي حيدرآباد وڊيو وائرل ٿيڻ بعد اي ايس آءِ سوڌو 7 اهلڪارن کي معطل ڪيو هو