ڪراچي: پرڏيهي ماڻهن طرفان سنڌ صوبي مان تعليمي سرٽيفڪيٽ حاصل ڪرڻ جو انڪشاف ٿيو آهي.
دستاويزن موجب ڪيترائي پرڏيهي ماڻهو ميرپورخاص بورڊ مان تعليمي سندون حاصل ڪري چڪا آهن ۽ ڪجهه پرڏيهي تازن امتحانن ۾ به شريڪ ٿيا هئا.
دستاويزن ۾ ٻڌايو ويو آهي ته ڳجهن ادارن اطلاع ملڻ تي ميرپورخاص بورڊ ۾ ڪارروائي ڪئي ۽ امتحانن ۾ شرڪت ڪندڙن پرڏيهي شاگردن جو رڪارڊ حاصل ڪري ورتو، جڏهن ته بورڊ آفيسرن رڪارڊ ٺڪاڻي لڳائڻ لاءِ 3 ڀيرا باهه لڳرائي.
پرڏيهي شاگردن جا ضروري دستاويز به موجود نه هجڻ جو انڪشاف ٿيو آهي.
هوڏانهن بورڊز ۽ يونيورسٽيز کاتي جي اختيارين معاملي جي تصديق ڪندي چيو آهي ته معاملو حساس آهي، تنهن ڪري احتياط سان جاچ ڪري رهيا آهيون، واقعي ۾ ملوث ماڻهن خلاف سخت ڪارروائي ڪئي ويندي.
سيڪريٽري بورڊ سنڌ حڪومت کي ڳجهن ادارن جي ڪارروائي کان آگاهه ڪري ڇڏيو آهي.