اسلام آباد: پاڪستان جي ڪهڙي صوبي جا ماڻهو سڀ کان وڌيڪ خوش رهن ٿا؟ هڪ سروي ۾ اها خبر پئجي وئي.
گيلپ پاڪستان، عوام جي مزاج تي ٻڌل نئين سروي جاري ڪندي ڄاڻايو آهي ته سڀ کان وڌيڪ خوش رهندڙ ماڻهو خيبرپختونخواهه ۾ نظر آيا، جتي 73 سيڪڙو ماڻهن خوش رهڻ جو ٻڌايو.
سروي ۾ ٻڌايو ويو ته 65 سيڪڙو پاڪستانين سمورن مسئلن باوجود خوش رهڻ جو ٻڌايو، جڏهن ته 23 سيڪڙو ماڻهن نا خوش هجڻ بابت ٻڌايو.
سروي موجب پاڪستاني خوش رهڻ ۾ پاڙيسري ملڪ ڀارت ۽ افغانستان کان اڳتي آهن، ڇاڪاڻ ته ڀارت ۾61 سيڪڙو ۽ افغانستان ۾ 45 سيڪڙو ماڻهن خوش رهڻ جو ٻڌايو.