پاڪستان ۾ پيٽرول جون قيمتون هاڻي به گهٽ آهن: فواد چوڌري

ڪراچي: سڌ سماءَ جي وفاقي وزير فواد چوڌري چيو ته خطي ۾ تيل جا  اگھ سڀ کان گهٽ پاڪستان ۾ آهن.

پنهنجي بيان ۾ فواد چوڌري چيو آهي ته توهان تيل ٻاهران خريد ڪئندو ته اُتي اگهه وڌڻ سان پاڪستان ۾ به اگهه وڌي ويندا، حڪومت جي اصل ڪاميابي اها آهي ته 75 سيڪڙو آبادي جي آمدني ۾ اطمينان جوڳي واڌ ٿي آهي.

ٻئي پاسي فواد چوڌري ميڊِيا سان ڳالهائيندي چيو ته وزيراعظم جي روس جي صدر سان ملاقات طئي هئي، صدر پيوٽن قرنطينه ۾ هجڻ جي ڪري دوشنبي نه پيو اچي، صدر پيٽون ۽ وزيراعظم عمران خان جي فون تي ڳالهه ٻولهه ٿي آهي، وزيراعظم عمران خان ۽ صدر پيوٽن جي وچ ۾ جلد ملاقات ٿيندي.

فواد چوڌري چيو ته پاڪستان ۽ تاجڪستان جا ويجها ۽ ڀائيراڻا لاڳاپا آهن، وزيراعظم تاجڪستان ۾ بزنس ڪانفرنس ۾ شرڪت ڪندو، پاڪستان ۽ تاجڪستان جي وچ ۾ ڪاروبار رابطه وڌائڻ تي به ڳاليهون ٿينديون، افغانستان جي صورتحال ڪانفرنس جو اهم حصو آهي، تاجڪستان جو افغانستان جي حوالي سان ڪردار اهم آهي.

جواب شامل کریں

آپ کا ای میل ایڈریس شائع نہیں کیا جائے گا۔