دبئي : گڏيل عرب امارتن پنهنجي ڊجيٽل ڪرنسي متعارف ڪرائڻ جو اعلان ڪري ڇڏيو، جيڪا اڪنامڪس سروسز لاءِ هاڪاري ثابت ٿيندي.
پرڏيهي ميڊيا موجب امارات جي مقامي بئنڪ طرفان ان ٽن سالن جي منصوبي جي شروعات 2023 کان ڪئي ويندي، ڪرنسي جو نالو ”گوو ڪوائن“ هوندو.
ميڊيا رپورٽن ۾ ٻڌايو ويو آهي ته ان حڪمت عملي کي اختيار ڪرڻ سان گڏيل عرب امارتن جي فنانشل سروسز سيڪٽر جي ڊجيٽل تبديلي سميت جديد ٽيڪنالاجي، جنهن ۾ آرٽيفيشل انٽيليجنس ۽ وڏي پئماني جي ڊيٽا کي به مدد حاصل ٿيندي.
