حرمين شريفين لاءِ هلندڙ سال رمضان المبارڪ جي لاءِ ڪورونا وبا بابت ايس او پيز جاري ڪيو ويو آهي جنهن تحت هن سال به مسجد الحرام ۽ مسجد نبوي ۾ اجتماعي افطاري ۽ اعتڪاف تي پابندي برقرار رهندي.
عرب ميڊيا موجب سعودي عرب ۾ مقدس مسجدن جي انتظامي سربراهه شيخ عبدالرحمان السديس ڪورونا وبا کي نظر ۾ رکندي رمضان 1442 جي لاءِ ايس او پيز جو اعلان ڪيو آهي جنهن تحت مسجد الحرام ۾ مطاف عمري جو اجازت نامو رکندڙن لاءِ کليل هوندو پر مطاف ۾ نماز پڙهڻ جي اجازت نه هوندي.
هن جو وڌيڪ چوڻ هو ته مطاف جي اڱڻ جو هڪ حصو عمري جي زائرين لاءِ خاص هوندو جڏهن ته مسجدالحرام ۾ 5 مصلا هوندا، اوڀر واري اڱڻ ۾ به نماز لاءِ صفون قائم ڪيون وينديون.
