اسلام آباد: ملڪ ۾ ڪورونا جي ٻئي لهر وڌيڪ 48 مريضن کان حياتيون کسي ورتيون آهن جڏهن ته 2 هزار 954 مريضن ۾ ان جي سڃاڻپ ٿي آهي.
اين سي او سي طرفان جاري ڪيل انگن اکرن موجب گذريل 24 ڪلاڪن دوران سڄي ملڪ ۾ ڪورونا جا 39 هزار 165 نوان ٽيسٽ ڪيا ويا. اهڙي طرح سڄي ملڪ ۾ گڏيل طور تي 52 لک 56 هزار 120 ٽيسٽ ٿي چڪا آهن. گذريل 24 ڪلاڪن ۾ 2 هزار 954 ڄڻن ۾ ڪورونا وائرس جي تصديق ٿي آهي. اهڙي طرح ڪورونا جي گڏيل ڪيسن جو انگ 3 لک 79 هزار 883 تائين پهچي ويو آهي.
پنجاب ۾ ڪورونا جي مريضن جو انگ هڪ لک 15 هزار 138، سنڌ ۾ هڪ لک 64 هزار 651، خيبرپختونخواهه ۾ 44 هزار 932، بلوچستان ۾ 16 هزار 846، اسلام آباد ۾ 27 هزار 555، گلگت بلتستان ۾ 4 هزار 558، جڏهن ته آزاد ڪشمير ۾ 6 هزار 203 آهي. اين سي او سي موجب ڪورونا سبب وڌيڪ 48 ڄڻا حياتيون وڃائي ويٺا آهن.
اهڙي طرح وبا سبب ملڪ ۾ فوت ٿي ويلن جو انگ 7 هزار 744 ٿي ويو آهي. پنجاب ۾ 2 هزار 879، سنڌ ۾ 2 هزار 845، خيبرپختونخواهه ۾ هڪ هزار 330، بلوچستان ۾ 163، آزاد ڪشمير ۾ 147، گلگت بلتسان ۾ 95 جڏهن ته اسلام آباد ۾ 285 مريض فوت ٿي چڪا آهن.
24 ڪلاڪن دوران سڄي ملڪ ۾ 875 مريض ڪورونا سبب صحتياب به ٿيا آهن. اهڙي طرح ملڪ ۾ ڪورونا جي صحتياب مريضن جو انگ 3 لک 31 هزار 760 ٿي ويو آهي.
سرڪاري انگن اکرن موجب سڄي ملڪ ۾ هن وقت ڪورونا جي گڏيل فعال مريضن جو انگ 40 هزار 379 آهي. جن مان هڪ هزار 751 جي حالت ڳڻتي جوڳي آهي.