ڌاٻيجي پمپنگ اسٽيشن ۾ بجلي جو اوچتو بريڪ ڊائون، 72 انچ جي چورس پائپ لائين ڌماڪي سان ڦاٽي پئي

ڪراچي: ڌاٻيجي پمپنگ اسٽيشن ۾ بجلي جي اوچتو بريڪ ڊائون سبب 72 انچ جي قطر لائين ڌماڪي سان ڦاٽي پئي. لائين جي ڦاٽي پوڻ سبب هزارين گيلن پاڻي ضايع ٿي ويو ۽ شهر کي پاڻي جي سپلائي معطل ٿي وئي آهي. ڪراچي کي روزانو 2 ڪروڙ 80 لک گيلن پاڻي جي سپلاءِ معطل ٿي وئي آهي. واٽر بورڊ عملي جو چوڻ آهي ته چار پمپ فيز 3 ۽ 3 پمپ نيو هنڊريڊ جا بند ٿي ٿيڻ سبب شهر کي پاڻي جي فراهمي معطل ٿي وئي آهي. واٽر بورڊ موجب مرمتي ڪم ۾ چار کان پنج ڏينهن لڳندا.