ڪراچي: فالج سبب فوت ٿيل ڪيسيٽ جي دنيا جي نامياري شاعر علي محمد اڏيرائي جو مڙهه گهاري ۾ جنازي نماز ادا ڪرڻ بعد ڪيٽي بندر ڀرسان ڳوٺ اڏيرو لال ۾ مٽي ماءُ حوالي ڪيو ويو.
علي محمد اڏيرائي جي جنازي نماز ۾ اديبن، لکارين ۽ سياسي سماجي شخصيتن سوڌو وڏي انگ ۾ شهرين جي شرڪت ڪئي.
واضح رهي ته علي محمد اڏيرائي فالج جي بيماري سبب بستري داخل هو ۽ گذريل ڏينهن ساهن جا سڳا ٽٽڻ سبب پنهنجي مالڪ حقيقي سان وڃي مليو.
علي محمد اڏيرائي جي شاعري سرمد سنڌي، جلال چانڊيو ، فوزيا سومرو سميت سنڌ جي ڪيترن ئي فنڪارن ڳائي آهي.