پشاور: سيڪيورٽي ذريعن جو چوڻ آهي ته اختيارين باجوڙ جي قبائلين اڳيان ٽي نقطا رکيا آهن، جن مان هڪ اهو آهي ته جيڪڏهن اهي خوارج کي ٻاهر نه ٿا ڪڍي سگهن، ته انهن کي علائقو خالي ڪرڻ گهرجي، ۽ فورسز پاڻ اهو ڪم ڪنديون.سيڪيورٽي ذريعن موجب، باجوڙ ۾ قبائلين ۽ پرڏيهين بابت مونجهارو پيدا ڪرڻ جي ڪوشش ڪئي پئي وڃي، ۽ خوارج باجوڙ ۾ رهڻ دوران دهشتگرد ۽ مجرمانه سرگرمين ۾ ملوث آهن.سيڪيورٽي ذريعن جو چوڻ آهي ته خيبر پختونخواه حڪومت، وڏي وزير ۽ سيڪيورٽي اختيارين باجوڙ جي قبائلين آڏو ٽي نقطا رکيا آهن.پهريون نقطو اهو هو ته ٻاهران آيلن کي ٻاهر ڪڍڻ، جن ۾ افغانين جو وڏو تعداد شامل هو.ٻيو نقشو اهو هو ته هڪ يا ٻن ڏينهن لاءِ علائقي کي خالي ڪرايو وڃي جيڪڏهن ڌارين کي نه ڪڍي سگهجي ته فوجون ڪري سگهن ٿيون.ٽيون نقطو اهو هو ته جيڪڏهن قبيلا ٻئي نه ٿا هلي سگهن ته دهشتگردن خلاف آپريشن دوران جيترو ٿي سگهي جاني نقصان کان بچڻ جي ڪوشش ڪن. سيڪيورٽي ذريعن جو چوڻ آهي ته دهشتگردن خلاف ڪارروائي هر صورت ۾ جاري رهندي. مذهب، رياست ۽ خيبر پختونخوا جا ماڻهو خوارج سان سمجهوتو ڪرڻ جي اجازت نٿا ڏين. صرف رياست کي هٿياربند ڪارروائي جو اختيار آهي.
