اسلام آباد: سنڌ ۽ پنجاب جي مختلف ضلعن ۾ رات دير سان پوندڙ برسات موسم کي خوشگوار ڪري ڇڏيو پر ڪيترن ئي علائقن ۾ بجلي جي فراهمي معطل ٿي وئي آهي.
پنجاب ۾ گوجرانولا، شڪر ڳڙهه، سيالڪوٽ ۽ پسرور سميت مختلف علائقن ۾ برسات پئي جڏهن ته سنڌ ۾ گهوٽڪي، سکر، اوٻاڙو، ميرپورماٿيلو، ڏهرڪي ۽ عمرڪوٽ ۾ رات دير سان طوفان ۽ کنوڻ سان گڏ ڪڪر وسيا.
برسات ۽ طوفان سبب گرمي جو زور ٽٽي ويو پر ڪيترن ئي علائقن ۾ بجلي جي فراهمي معطل ٿي وئي جنهن سبب راتد دير تائين شهرين کي پريشاني کي منهن ڏيڻو پيو.
سيپڪو ترجمان موجب برسات سبب سکر ۾ 115 فيڊر ٽرپ ٿي ويا. فيڊر ٽرپ ٿيڻ سبب سکر، ڪنڌڪوٽ، شڪارپور، شهدادڪوٽ، جيڪب آباد، گهوٽڪي، اوٻاوڙو، خيرپور، پنوعاقل ۽ روهڙي سميت ٻين علائقن ۾ بجلي جي فراهمي معطل ٿي وئي.