لاهور: عاصم خان، طيب اسلم ۽ ناصر اقبال سميت پاڪستاني رانديگر چيف آف دي نيول اسٽاف اسڪواش چيمپئن شپ جي سيمي فائنل ۾ پهچي ويا، جڏهن ته پاڪستان جو هي نور زمان ڪوارٽر فائنل ۾ هارائي ويو.
روشن خان جهانگير خان اسڪواش ڪمپليڪس ۾ جاري چيمپئن شپ جي چوٿين ڏينهن کيڏي ويندڙ ڪوارٽر فائنل ۾ ٽاپ سيڊ عاصم خان هانگ ڪانگ جي ٽانگ وانگ کي شڪست ڏئي سيمي فائنل ۾ پهچي ويو.
پاڪستاني رانديگر ناصر اقبال ملائيشيا جي سيڊڊ رانديگر شفيق ڪمال کي اپ سيٽ شڪست ڏئي سيمي فائنل ڪوليفائي ڪئي.
ايونٽ جا سيمي فائنل آچر ڏهاڙي تي کيڏيا ويندا، جن ۾ طيب اسلام جو مقابلو مصر جي محمد ذڪريا سان ۽ ناصر اقبال جو مقابلو ٽاپ سيڊ عاصم خان سان ٿيندو.
اسڪواش چيمپئن شپ جي ويمنز ايونٽ ۾ روشنا محبوب ۽ مهوش علي فائنل ۾ ڪوليفائي ڪري ورتو آهي