ڪراچي: تاريخي واقعي ۾ چين طرفان پاڪستان جو پهريون سيٽلائيٽ مشن 2 لڳي 28 منٽن تي چنڊ ڏانهن روانو ڪيو ويو، جيڪو 5 ڏينهن ۾ چنڊ جي مدار ۾ پهچندو.
انسٽيٽيوٽ آف اسپيس ٽيڪنالاجي جي ڪور ڪميٽي جي ميمبر ڊاڪٽر خرم خورشيد چيو ته سيٽلائيٽ مشن چين جي هينان خلائي لانچ سائيٽ تان چنڊ ڏانهن روانو ٿيو.
سيٽلائيٽ کي آءِ ايس ٽي پاران چين جي شنگھائي يونيورسٽي ۽ پاڪستان جي نيشنل اسپيس ايجنسي اسپارڪو جي تعاون سان ڊزائين ڪيو ويو.
هي سيٽلائيٽ مشن 3 کان 6 مهينن تائين چنڊ جي چوڌاري گردش ڪندو ۽ چنڊ جي مٿاڇري جون تصويرون ڪڍندو. جنهن لاءِ هن سيٽلائيٽ ۾ ٻه آپٽيڪل ڪيمرا پڻ نصب ڪيا ويا آهن.
ياد رهي ته پاڪستان 2019 ۾ چين سان خلائي تحقيق جي معاهدن تي صحيحون ڪيون هيون ته جيئن خلابازن کي تربيت ڏني وڃي ۽ خلا ۾ مشن لانچ ڪيا وڃن.