لاهور: ڪوئيٽا گليڊيئيٽر جي رانديگر وسيم جونيئر چيو آهي ته پهرين ٻه ميچون سٺيون نه هيون، اسان پلان تي عمل ڪيو، اسان سٺي بالنگ ڪئي.لاهور ۾ ميچ کانپوءِ پريس ڪانفرنس ڪندي وسيم جونيئر چيو ته مئنيجمينٽ تبديل ٿي وئي آهي، ڪمبيونيشن به بهتر ٿي وئي آهي.هن چيو ته سين ٽائيٽ سان سکڻ جو موقعو مليو، بيٽنگ ۽ بالنگ ۾ سٺي ڪارڪردگي آهي، ڪپتان جي اچڻ ۽ وڃڻ سان ڪو فرق نه پوندو.وسيم جونيئر وڌيڪ چيو ته پهرين ٽن ميچن ۾ ڪاميابي حاصل ڪري مومينٽم ٺاهيو آهي، وڪيٽ سست هئي، جنهن بالر وڪيٽون ورتيون ان جو فائدو ورتو.
