اسلام آباد: وفاقي حڪومت مالي سال 24-2023 جي بجيٽ ۾ ڪي فور منصوبي لاءِ به وڏي رقم رکي ڇڏي.
وفاقي ڪابينه مان منظوري کانپوءِ ناڻي واري وزير اسحاق ڊار قومي اسيمبلي ۾ مالي سال 24-2023 جي بجيٽ پيش ڪئي.
بجيٽ دستاويز موجب وفاقي حڪومت ڪراچي ۾ پيئڻ جي پاڻي جي فراهمي کي بهتر بڻائڻ لاءِ ڪي فور گريٽر واٽر سپلاءِ اسڪيم لاءِ به رقم رکي آهي.
بجيٽ دستاويز ۾ ٻڌايو ويو آهي ته ڪي فور گريٽر واٽر سپلاءِ اسڪيم لاءِ 17 ارب 50 ڪروڙ رپين جي رقم فراهم ڪئي ويندي.
