لاهور: پي ٽي آءِ سربراهه عمران خان چيو آهي ته هٿياربندن فوجن جي سربراهه جي مقرري سپريم ڪورٽ جي چيف جسٽس جيان ٿيڻ گهرجي، حڪومت پنهنجي فائدي لاءِ آرمي ايڪٽ ۾ ترميم ڪرڻ گهري ٿي، اها ترميم عدالت ۾ چئلينج ٿي ويندي، پي ٽي آءِ سربراهه صحافين سان غير رسمي ڳالهه ٻولهه ڪندي چيو ته لاهور ۾ آرمي چيف سان ڪابه ملاقات نه ٿي، صدر عارف علوي آرمي چيف سان ملاقات ڪئي، جنهن جي ايجنڊا جلد ۽ شفاف چونڊون هئي، لانگ مارچ کي وڊيو لنڪ تي خطاب دوران عمران خان چيو ته سڀاڻي اعلان ڪندس ته لانگ مارچ اسلام آباد ڪڏهن پهچندو، پنڊي کان مارچ جي قيادت آئون پاڻ ڪندس، هاڻي تبديلي کي ڪير به روڪي نٿو سگهي
