ڪي پي اسيمبلي پاران جمعي ڏينهن سرڪاري موڪل جو ٺهراءُ گڏيل طور منظور

پشاور: خيبر پختونخواهه اسيمبلي ۾ هفتيوار موڪل آچر بدران جمعي تي ڪرڻ جو ٺهراءُ گڏيل طور منظور ٿي ويو. اڱاري ڏينهن ڪي پي اسيمبلي اجلاس ۾ جماعت اسلامي جي ميمبرن جمعي جي موڪل بحال ڪرڻ جو ٺهراءُ پيش ڪيو. هفتيوار موڪل جي تبديلي جي حوالي سان ٺهراءُ جماعت اسلامي جي عورت ميمبر حميرا خاتون ۽ سراج الدين خان پيش ڪيو، جنهن کي گڏيل طور منظور ڪيو ويو. ٺهراءَ جي متن ۾ چيو ويو ته ملڪ ۾ آچر بدران جمعي تي هفتيوار سرڪاري موڪل بحال ڪيو وڃي، جمعي ڏينهن موڪل نه هجڻ سبب نقصان ٿيندو آهي، ٻن موڪلن سبب ڪاروبار، معيشت ۽ سرڪاري معاملا به سستي جو شڪار آهن. ايوان ٺهراءُ گڏيل طور منظور ڪري ورتو، جڏهن ته ميمبرن جو انگ پورو نه هجڻ سبب اجلاس سڀاڻي تائين ملتوي ڪيو ويو.

جواب شامل کریں

آپ کا ای میل ایڈریس شائع نہیں کیا جائے گا۔