ڊسڪا: پنجاب حڪومت اين اي 75 ڊسڪا ۾ پولنگ دوران مارجي ويل پي ٽي آءِ ڪارڪن جي وارثن لاءِ مالي مدد جو اعلان ڪيو.
وفاقي وزير شبلي فراز، فواد چوڌري ۽ ڊاڪٽر فردوس عاشق اعواڻ اين اي 75 ڊسڪا ۾ پولنگ دوران قتل ٿي ويل پي ٽي آءِ ڪارڪن جي گهر وڃي ان جي ڪٽنب سان تعزيت ڪئي.
هنن ان موقعي تي پنجاب حڪومت پاران 10 لک روپيا مالي امداد ۽ سرڪاري نوڪري جو اعلان ڪيو.
ياد رهي ته ڊسڪا ۾ 19 فيبروري تي ننڍي چونڊ دوران گوئيندي والا پولنگ اسٽيشن تي(ن) ليگ ۽ پي ٽي آءِ ڪارڪنن ۾ جهيڙو ٿيو هو ۽ ٻنهي ڌرين طرفان فائرنگ ڪئي وئي.
فائرنگ جي نتيجي ۾ مسلم ليگ(ن) جو ڪارڪن ذيشان ۽ پي ٽي آءِ جو ماجد مارجي ويا هئا.