رياض: سعودي عرب ۾ کجين ۽ چشمن جو هڪ اهڙو نادر ۽ ناياب ڳوٺ موجود آهي جيڪو 2 هزار سال جي تاريخ رکي ٿو.العربيه موجب سعودي عرب ۾ مدينه منوره جي علائقي (بينع النخل) ۾ 2 هزار سال پراڻو هڪ اهڙو تاريخي ڳوٺ موجود آهي جيڪو پاڻي جي کوهن، چشمن ۽ کجين جي لاءِ مشهور آهي. هن ڳوٺ ۾ مٺي پاڻي جا 99 چشما آهن. هتي اسلام جي شروعاتي دور ۽ ان کان اڳ جي دور جون ڪهاڻيون، واقعا، آثار ۽ باقيات ڏسڻ لاءِ ملندا آهن جيڪي پنهنجي ناظرين کي هزارين سان پوئتي کڻي ويندا آهن.چيو وڃي ٿو ته 1400 سال اڳ تائين شام کان هجاز طرف ايندڙ واپارين جا قافلا هن علائقي مان گذرندا هئا ۽ اسلام پکڙجڻ کان پوءِ هي علائقو واپارين ۽ حجاج ڪرام جي قافلن جي گذر گاهه بڻجي ويو. هن ڳوٺ جي تاريخي پهلوئن کي اجاگر ڪندي سعودي فوٽو گرافر ۽ تاريخي هنڌن جي محقق عبدالالهالفارس ٻڌايو ته هي ڳوٺ صرف کوهه، چشمن ۽ کجين جو مسڪن ناهي پر هن کي بازارن جو ڳوٺ به قرار ڏئي سگهجي ٿو.هن ڳوٺ جي مشهور هنڌن ۾ منگل بازار، خوبصورتي حڪومتي آفيس، جامع مسجد، اليسيره ڳوٺ، البشنه، خيف حسين ۽ سويقه بازارون آهن. يبنع النخل کي جزيرته العرب جو آب وگياره جو علائقو ڏنو ويندو آهي.هن ڳوٺ جي 99 چشمن مان عين الجابريه، عين عجلان، عين الفجه، عين علقم مشهور آهن. جڏهن ته جبلن ۾ جبل رضوي ۽ ديار جهنيه سڀني کان وڌيڪ مشهور ۽ وڏا جبل آهن.
