اسلام آباد : ڀارت ۾ 11 سنڌي هندن جي قتل خلاف هندو ڪائونسل جي سڏ تي اڄ اسلام آباد جي ڊپلوميٽڪ انڪليو ۾ ڌرڻو ڏنو پيو وڃي،احتجاج جا انتظام مڪمل ڪيا ويا آهن. سنڌ جي مختلف شهرن حيدرآباد، ميرپورخاص، سکر، گهوٽڪي ۽ جيڪب آباد جا ساڍا ٽي هزار هندو برادري جا ماڻهو راوالپنڊي ۽ اسلام آباد پهچي ويا آهن. اسلام آباد جي انتظاميا احتجاج دوران سيڪيورٽي جا انتظام مڪمل ڪري ورتا آهن. هندو برادري پاران اسلام آباد ۾ ڊپلوميٽڪ انڪليو ۾ ڀارتي هاءِ ڪميشن کي احتجاجي ياداشت نامو پيش ڪيو ويندو. سنڌ جي مختلف شهرن مان نڪتل قافلن ۾ شهري هندو برادري جا ماڻهو ڀارتي وزير اعظم نريندر مودي جي خلاف نعرا هڻي رهيا آهن.
