ڪراچي/اسلام آباد : پاڪستان جي آزادي جو ڏهاڙو قومي جوش ۽ جذبي سان ملهايو پيو وڃي، وفاقي گادي واري هنڌ 31 ۽ صوبائي راڄڌانين ۾ 21-21 توپن جي سلامي سان ڏينهن جي شروعات، مزار قائد ۽ علامه اقبال جي مزارن تي گارڊز جي تبديلي، سرڪاري توڙي نجي سطح تي تقريبون رٿيل، آزادِي جِي جدوجهد ۾ عظيم قربانيون ڏيندڙ هيروز کي ڀيٽا پيش ڪئي ويندي. جشن آزادي جي موقعي تي مينارِ پاڪستان سميت ملڪ جي ننڍن وڏن شهرن ۾ آتشبازي، عمارتون ڪنوار جيان سينگاريون ويون، نوجوان رستن تي نڪري آيا، قومي گيتن تي جهمريون، ڪراچي جي مختلف علائقن ۾ هوائي فائرنگ، 23 ڄڻا زخمي، زخمين ۾ هڪ پوليس اهلڪار ۽ 7 عورتون به شامل آهن.
